Республикæйы цæрджытæ æмæ уазджытæн радтой Георгийы лентытæ

Сабырдзинады проспекты республикæйы цæрджытæн байуæрстой Георгийы лентытæ. Уæлахизы символ сын хуымæтæджы нæ радтой, фæлæ ма сын радзырдтой, абоны бон ын цы нысаниуæг ис, уый тыххæй дæр. Акцийы архайджытæ ма зæрдыл æрлæууын кодтой, лент раст куыд даргæ у æмæ йæ хуызты мидис цавæр у, уый. Мадзалы сæйраг нысан Фыдыбæстæйы Стыр хæсты советон адæмы хъæбатырдзинад хъуыды кæнын æмæ рæзгæ фæлтæры патриотон хъомылад. Акци расидтысты паддзахадон кусæндæтты профцæдисты кусджытæ.